Myndir Hörpu
Aflraunasteinarnir á Djúpalónssandi |
Máni leikur sér að Hálfdrættingi ... |
En lagði Hálfsterk frá sér ... enda ekkert vit að togna helgina fyrir Laugavegshlaupið! |
Dritvík gæti verið á Krít - hitastigið sést ekki á myndinni og litur hafsins minnir á Lýbíuhafið. |
Bárðarskip og Dritvíkurklettur í Dritvík. |
Feðgarnir að fjörulabba við Bárðarskip. |
Dritvíkurklettur er flottur! |
Atli við einhverja minj á gönguleiðinni milli Djúpalónssands og Dritvíkur. Sennilega er þetta ekki mjög forn minj. |
Höfnin að Hellnum er lygn og bátlaus. |
Kaffihúsið var hins vegar kjaftfullt en við náðum samt sætum og feðgar fengu fiskisúpu ... ég lét heimabakað brauð duga því ég graðga ekki í mig fiski á almannafæri, síst undir Jökli! |
Á Hellnum er þessi flotti gatklettur og greinileg steingerð tröllahjón í veggnum fyrir innan. |
Rétt hjá Hellnum, á gönguleiðinni yfir á Arnarstapa, er þessi hræðilegi útrásarvíkingslegi bústaður. Stapafell í baksýn en takið eftir Jin og Yang merkinu - OMG! |
Máni myndar skarf, milli Hellna og Arnarstapa. Skarfurinn er á kletti lengst til hægri en Máni er á miðri mynd. Mér skilst að það sé mikil hamingja að geta myndað skarf. |
Máni hefur lokið við skarfsmyndatöku. Hann var kominn með smá minnimáttarkennd, skinnið, því nokkrir aðrir ljósmyndarar á þessari gönguleið höfðu miklu vígalegri linsur; eiginlega minntu þær helst á sprengjuvörpur. Ekki skrítið að rekast á svoleiðis ljósmyndara klædda í amríska hermannafelubúninga að auki - leggjandi til ljósmyndaatlögu við selveste kríuna ... |
Við Máni örkum í hrauninu milli Hellna og Arnarstapa. |
Hér hefur maðurinn ákveðið að myndast á! |
Atli prílar við Miðgjá. Ég hafði nokkrar áhyggjur af ljósmyndafíkn feðganna ... |
Og hann skríður enn framar á brúnina. Fallið ofan í gatið er ansi hátt! |
Atli við Draugalág. Þar kom Latínu-Bjarni Oddnýju pílu fyrir, reyndar í annað sinn því í fyrra sinnið sem hann kvað niður drauginn neituðu Hellnamenn að borga umsamið verð svo Bjarni vakti hana aftur upp. Í seinna skiptið borguðu þeir, þótt prísinn væri þá hærri enda draugurinn orðinn mun verri viðskiptis. Takið eftir hve Atli er tilhlýðilega alvarlegur á svona hættulegum stað. |
Einhver bakpokaferðalangur var sennilega týndur ... við vorum spurð eftir slíkum og skömmu síðar sveimaði þyrla yfir gönguleiðinni. Hann hlýtur að hafa fundist. |
Höfnin á Arnarstapa var ólíkt líflegri en sú á Höfnum. (Aftur á móti var kaffihúsamenning fátæklegri á Arnarstapa en Hellnum þannig að hvor hefur staðurinn sitt til ágætis.) |
Ánægjulegt að sjá strandveiðibát frá Akranesi - og sjá hversu nálægt hann er okkar góðu nágrönnum. |
Gert 12. júlí 2010