16. maí 2005

Pæling um stafrænt efni tengt Eglu

Forsendur
 
Nemendur vilja Kennarar vilja Ný tækni í skólastarfi
  • Glósur
  • Krossapróf
  • Efni sem nýtist í ritgerðum og verkefnum
  • Leiki / þrautir?


Nemendur eru ekki hrifnir af glærusýningum.

Sennilega finnst nemendum í sumum skólum vefleiðangrar mjög ofnotaðir (æ algengari í grunnskólum). 
 
 
 

 Gagnabanka sem þeir geta notað til að gera eigið efni:
  • Kort
  • Myndir
  • Hugmyndir að verkefnum
  • Próf?


Kennurum er frekar illa við efni sem nemendur gætu stolið til að nota í ritgerðum / verkefnum.

Margir kennarar eru hrifnir af glærusýningum.

Sumir kennarar eru hrifnir af vefleiðöngrum.

 Það er algengur misskilningur að nemendur kunni almennt mikið á tölvur. Fæstir þeirra kunna t.d. að gera vefsíður.

Það er algengur misskilningur að kennarar kunni almennt mikið á tölvur.  Fæstir þeirra kunna eitthvað í myndvinnslu eða vefsíðugerð.

Flestir framhaldsskólar eru nú vel búnir tækjum, t.d. skjávörpum, DVD spilurum o.þ.h. í kennslustofum. 

Greiður aðgangur nemenda er að tölvum í skólunum.  Margir nemendur og flestir kennarar hafa fartölvur til afnota. 

Menntamálaráðuneytið og sumir kennarar eru mjög hlynnt sjálfsnámi.  Þá er einnig horft til einhvers konar sjálfmatsaðferða, gamaldags krossapróf á tölvutæku formi eru mönnum ofarlega í huga.
 
 

Í rauninni eru nemendur og kennarar að sækjast eftir svipuðu efni, þ.e.a.s. efni sem þeir geta aðlagað að eigin þörfum, jafnvel stolið.
Nemendur sækjast mjög eftir texta í þessu skyni, kennarar sækjast eftir myndefni til að skreyta eigin glærusýningar eða annað kennsluefni.
Kennurum er mjög illa við að nemendur geti notað stafrænt Copy-Paste efni  en nemendur auglýsa grimmt eftir slíku efni, t.d. á spjallþráðum
(má nefna hugi.is) eða irc-rásum (sennilega líka MSN).  Nemendur leita líka í glósur og ritgerðasöfn (t.d. hamstur.is) en flestir nota bara Google
og er því afar auðvelt að rekja meint svindl.

Hvernig má gera Eglu aðlaðandi til kennslu í framhaldsskólum?  Af hverju að nota stafræna tækni í því skyni?

Við erum nú þegar með hugmyndir um kort og ljósmyndir.  Kennarar munu verða hrifnir af því (ath. að það eru kennararnir sjálfir sem ráða hvaða efni er kennt meðan námskrá í íslensku er óbreytt). Kennarar vilja sjálfir gera sínar eigin glærur en vantar oft efni á þær.

Upplestur á sögunni mun sjálfkrafa gagnast nemendum með dyslexíu og meinta dyslexíu.  Hugsanlega munu einhverjir kennarar einnig hafa gagn og gaman af (meirihluti íslenskukennara er um fimmtugt eða eldri og ellifjarsýnin farin að segja til sín ;-)  Varðandi útgáfu á sögunni mæli ég með stærra letri en í útg. MM því það mun sjálfkrafa gera kennara vinsamlegri sögunni.  Bæði kennurum og nemendum finnst þægilegra að hafa skýringar neðanmáls á hverri síðu.

Texti með leitarmöguleikum mun gagnast nemendum og hugsanlega kennurum einnig.  Reyndar er þetta enginn vandi núna, þ.e.a.s. hægt er að nota Netútgáfuna, http://www.snerpa.is/net/isl/egils.htm, og Edit- Find on this page.  Einu kennararnir sem ég veit til að kenni nemendum að leita þannig í textanum eru ég og Sverrir Páll í MA.

Myndræn útfærsla á vísum gæti gagnast vel.  Kennarar myndu væntanlega vilja sýna þetta af og til í kennslustundum. Vonandi fær slíkt nemendur til að sjá betur af hverju Egill (eða Snorri) er talinn svo gott skáld, þeir eiga erfitt með að sjá snilldina í dróttkvæðum vísum. (Ath. hvað er Guðrún Nordal að fara að gera?  Sjá styrk til verkefnisins Dróttkvæði í Íslendingasögum og Sturlungu á nýrri öld, http://www.rannis.is/files/2123594412Úthlutun%202005%20-%20verkefnis-%20og%20ranns.st.st..pdf.)

Við erum væntanlega bæði sammála um að krossapróf séu frekar ómerkileg.  Hins vegar finnst nemendum frekar gaman að taka slík próf á tölvu.  Einnig finnst kennurum frekar gaman að geta farið einstaka sinnum með hóp í tölvustofu og látið hópinn vinna á eigin vegum, t.d. í að taka krossapróf (það þarf ekki að hjálpa fólki við það). Hægt er að tengja krossapróf við hugmyndir MRN um styttingu náms til stúdentsprófs, þ.e. sjálfsnám, sjálfsmat á sjálfsnámi o.þ.u.l. Þannig að ég held að við ættum að hafa krossapróf. Þau eru til, sjá http://www.fva.is/harpa/egla/vefsid/prof.htm, en þyrfti auðvitað að sansa eitthvað.

Það sem nýtti UT umfram aðra miðla væri (fyrir utan það sem talið hefur verið)

Við þurfum að hampa þessum atriðum þegar við sækjum um UT-tengda styrki en hampa upplestri og krossaprófum ef við sækjum um styrki tengda styttingu náms til stúdentsprófs.

Loks þarf að huga að því að stutta Eglan hennar Brynhildar er nú álitlegur kostur fyrir grunnskóla.  E.t.v. mætti selja diskinn okkar einan í grunnskóla?  Þá má hafa nokkra heldur barnalega leiki (annars finnst nemendum á öllum aldri útrúlega gaman að hanga yfir ómerkilegum leikjum ef þeir eru vel úthugsaðir ... lendi stundum í þessu sjálf ;-)

Loks er ágætt að hafa það í huga að okkar pælingar eru svona 2 árum á undan ráðuneytis-pælingum (þótt Þróunarsvið Mrn. sé ljósárum á undan öðrum deildum þar) og einnig nokkrum árum á undan hugmyndum flestra kennara. Þess vegna er ágætt að passa að missa sig ekki í of mikið frumkvæði.