VERKEFNI ÚR EINSTÖKUM KÖFLUM

[Sjálfstætt fólk] [Halldór Laxness] [Kennsluvefir Hörpu Hreinsdóttur] Blaðsíðutal á við 6. útg. frá 1996.

41. kafli, „Rottugángur“
Hvers vegna kaupir Bjartur kött?
Hvaða skýring gæti verið á hinum dularfullu atburðum í fjárhúsinu?

42. kafli, „Vinstri vángi“
Hvert er viðhorf Bjarts til Ástu Sóllilju? En hennar til hans?
Hvað eftir annað er vikið að þeim mun sem er á vinstri og hægri vanga Ástu Sóllilju. Hvernig getur staðið á þessum mun? Tengist hann e.t.v. draumi og veruleika? (Íhugaðu í þessu sambandi hvernig daglegt líf Ástu Sóllilju er og hvaða hugsanir eða dagdrauma hún elur með sér.)

43. kafli, „Samtal við æðri öfl“
Er einhvers staðar í þessum kafla að finna vísbendingu um það hvers konar öfl eru að verki í fjárhúsi Bjarts? Skoðaðu sérstaklega vel bls. 307.

46. kafli, „Réttvísin“
Hvað verður um Helga?
Hvers vegna fer hann?
Hvaða dag hverfur hann? (Sbr. upphaf 46. og 47. kafla.) Gæti það haft einhverja táknræna merkingu?

48. kafli, „Ó púra oftími“
Skoðaðu samtal Nonna litla og Gvendar; Hverjir hafa mest áhrif á skoðanir þeirra? Kannast þú við eitthvað úr eigin bernsku/æsku í lýsingunum á hugarástandi barnanna?

 49. kafli, „Betri tímar“
Skrifaðu örstutta lýsingu á kennaranum. Lýstu útliti, aldri, fjárhag o.fl.

50. kafli, „Skáldskapur“
Um hvern er Ásta Sóllilja að hugsa á síðu 355?

51. kafli, „Guð“
Hvaða tilfinningar ber Ásta Sóllilja til kennarans?
Hvernig lýsa veikindi hans sér?

52. kafli, „Óskastundin“
Hvers óska börnin sér?
Hvaða meðal bætti heilsu kennarans svo skjótt?

56. kafli, „Stóra systir“
Hvað heldur Nonni litli að ami að Ástu Sóllilju? Hvernig reynir hann að hugga hana?

57. kafli, „Dreingurinn og löndin“
„... hún gaf honum fátækustu jól þjóðarinnar sem veganesti þegar hann fór útí heiminn, og hann vissi að uppfrá þessu mundi hún ekki framar halda jól.“ (bls. 396.) Hvað er eiginlega átt við með „fátækustu jól þjóðarinnar“?

59. kafli, „Það er ég“
Hvaða tilfinningar ber Bjartur til Ástu Sóllilju í þessum kafla? (Sjá einnig 58. kafla.) Útskýrðu breytni hans.
Settu þig í spor Ástu Sóllilju og skrifaðu eina blaðsíðu um hugrenningar hennar - í þykjustunni skrifaða daginn eftir að atburðirnir gerðust.

Síðast breytt í mars 2010.
Harpa Hreinsdóttir