VERKEFNI ÚR EINSTÖKUM KÖFLUM

[Sjálfstætt fólk] [Halldór Laxness] [Kennsluvefir Hörpu Hreinsdóttur] Blaðsíðutal á við 6. útg. frá 1996.

60. kafli, „Þegar Ferdínand var skotinn“
Hvaða heimstríð geisar?
Hvert er viðhorf gangnamanna til stríðsins?

61. kafli, „Trúmál“
Af hverju reisir Bjartur Gunnvöru minnisvarða?

62. og 63. kafli, „Aðgaungumiðar“, „Grettir vakir“
Hvað felst í vísunni sem Bjartur sendir Ástu Sóllilju?

64. kafli, „Samtal um draumalandið“
Hvort þeirra Gvendar eða Ástu Sóllilju líkist Bjartri meira í þessu bindi Sjálfstæðs fólks?

65. kafli, „Amríka“
Skoðaðu þennan kafla og fyrri kafla. Skrifaðu síðan 1/2 síðu um ferðaáætlanir Gvendar og hvers vegna þær stóðust ekki.

67. kafli, „Gæðíngurinn“
Hvað býr undir áhuga Ingólfs Arnarsonar á byggingarmálum Bjarts? Er hann að reyna að hjálpa föður sínum við að ná Sumarhúsum aftur eða er hann bara að hugsa um eigin vinsældir, svona rétt fyrir kosningar? Er hugsanlegt að eitthvað sé líkt með hestakaupum Gvendar og húsbyggingu Bjarts?

68. kafli, „Nútímaskáldskapur“
Taktu vel eftir ummælum Bjarts um annarra manna brauð í upphafi kaflans. Hér skiptast þau á skilaboðum Ásta Sóllilja og Bjartur. Berðu saman síðustu orð þeirra hvors um sig í þessum skilaboðum (bls. 480 og 481).
Um hvað er vísa Bjarts? Hvaða skilaboð til Ástu Sóllilju felast í henni?

69. kafli, „Þegar maður er ekki giftur“
Athugaðu álit Bjarts á konum, bls. 483- 84. Kemur það heim og saman við framkomu hans við Rósu, Finnu og Ástu Sóllilju?

71. kafli, „Tröll á haustin“
Hverjir eru helstu kostir Brynju í augum Bjarts? En ókostir? - Hvaða álit hefur þú á Brynju? Svaraðu þessu á 1/2 til 1 síðu.
Hvaða hugsanir og kenndir halda vöku fyrir Bjarti, á bls. 494- 95?
Af hverju sendir Bjartur Brynju á brott?

72. kafli, „Þá hugsjónir rætast“, og 73. kafli, „Hundar, sál o.fl.“
Hvers vegna missir Bjartur Sumarhús?
Hvaða umræðuefni hleypa hita í Bjart í viðræðum hans við vini sína?
 
 
 
 

Sjálfstætt fólk, „Sögulok“

Verkefni úr einstökum köflum
 

74. kafli, „Annarra manna brauð“
Hvað er það í máli verkfallsmanna sem gerir Bjart öðrum þræði vinsamlegan í þeirra garð og baráttunnar sem þeir heyja?
Hvernig stendur á því að Bjartur brýtur eina af grundvallarreglum sínum og étur annarra manna brauð? (Koma ummælin um Rússakeisara því eitthvað við?)
Er hægt að líta á það sem táknrænt að einhverju leyti að Bjartur skilur son sinn, Gvend, eftir hjá verkfallsmönnunum?

75. kafli, „Rússakeisari fallinn“
Að hvaða leyti hafa viðhorf Bjarts breyst?; Hvers vegna fer hann til Ástu Sóllilju? Hverjar eru tilfinningar hennar til hans?

76. kafli, „Blóð í grasi“
Skoðaðu kaflann sem lýsir för Bjarts frá Sumarhúsum og tvo fyrstu kafla bókarinnar; Tengjast þessar lýsingar á einhvern hátt?
Skrifaðu hálfa til eina blaðsíðu um framtíð Bjarts, Beru gömlu, Ástu Sóllilju og barnanna.

Síðast breytt í mars 2010.
Harpa Hreinsdóttir