Verkefni úr Skuldlausu búi

[Sjálfstætt fólk] [Halldór Laxness] [Kennsluvefir Hörpu Hreinsdóttur]

Verkefni úr Skuldlausu búi

Vinnið eftirfarandi verkefni 2 til 3 saman. Til verksins er ætluð ein kennslustund. Skrifið niður stutt svör (svona hálfa síðu við hverja spurningu) og verið tilbúin að flytja hluta svaranna munnlega í næsta tíma. Ég mæli með því að allir eignist eintök af svörunum því þau geta nýst sem glósur.

1. Systkinin í Sumarhúsum. Lýsið hverju og einu í stuttu máli eftir því sem þið hafið upplýsingar um þau.

2. Konurnar í lífi Bjarts. Hvaða konur hafa haft mest samskipti við Bjart? Hvernig hefur þeim samskiptum verið háttað? Hvaða tilfinningar ber/bar hann til þessara kvenna? Eru þær líkar eða ólíkar?

3. Samband Ástu Sóllilju og Bjarts. Lýsið því á a.m.k. hálfri síðu. Hvaða skoðanir hafið þið á þessu sambandi?

4. Búskapur Bjarts. Hvaða markmið hefur Bjartur sett sér? Mun hann ná þeim? Hvaða sjúkleiki hrjáir féð? (Fáið upplýsingar hjá reyndum bændum í kennara- og nemendahópi skólans.)

5. Hvernig finnst ykkur bókin til þessa? Rökstutt mat, takk!

Síðast breytt í mars 2010.
Harpa Hreinsdóttir