Svarið þessum spurningum og vinnið saman í 2 -
4 manna hópum. Allir hópar eiga að skila
útfylltu blaði þar sem kemur fram hverjir voru í
hópnum og hverjir unnu vinnuna. Hlustað verður á
sýnishorn svara frá öllum hópum í kennslustund
og er gert ráð fyrir að hver hópur velji eitt af
svörum sínum og bregði upp glæru með aðalatriðum
þess. Passið að eiga öll eintök af
svörunum því þau geta nýst sem glósur.
1.
Skarphéðinn Njálsson - stutt æviágrip.
Gott væri ef kæmi fram hver staða Skarphéðins
er í stórfjölskyldunni, hvaða hlutverki hann gegnir
einkum í sögunni og hvort eitthvað megi ráða
um hann af ævilokum hans. Minnir Skarphéðinn ykkur
á einhverja aðra persónu, annað hvor í Brennu-Njáls
sögu eða annarri Íslendingasögu? Er Skarphéðinn
ljós eða dökk hetja?
2. Njáll og ráð hans. Ráð
Njáls reynast yfirleitt vel og sonum hans fer ekki að ganga
verulega illa fyrr en þeir hætta að hlusta á föður
sinn. Hvernig reyndi Njáll að tryggja viðvarandi sætt
við Sigfússyni eftir víg Þráins Sigfússonar?
Af hverju mistókst þetta? Hverjar voru síðustu
ráðleggingar Njáls og hvað gekk honum til með
þeim? Er hugsanlegt að honum hafi skjöplast í
síðustu ráðleggingunum?
3.
Hallgerður og Hildigunnur; Sumir halda því fram að
Hildigunnur Starkaðardóttir taki við hlutverki Hallgerðar
í sögunni - eruð þið sammála þessu?
Berið þær saman.
4. Brennu-Njáls saga og götuheiti í
Reykjavík: Kannið eftir hvaða aðalpersónum
í Njálu götur í Reykjavík heita,
sjá Póstnúmeraskrá
á postur.is, s. 8 í pdf-skjalinu (tölusett bls. 13 o.
áfr.). Enn þægilegra er að nota gamaldags símaskrá
og fletta gegnum póstnúmeraskrá þar aftast.
Eru þessar götur bundnar við ákveðið hverfi
eða póstnúmer? Vantar einhverja aðalpersónu
í þetta safn?
Harpa Hreinsdóttir