1.
Hjónaband Gunnars og Hallgerðar; Hvað sér Gunnar
við Hallgerði? Hvað sér hún við hann?
Hversu gömul eru þau þegar þau giftast? Hvað
er langt síðan Hallgerður varð öðru sinni ekkja?
Hvernig lítast helstu ráðgjöfum beggja á
þetta hjónaband, þ.e. Njáli og Hrúti?
Hvernig líst ykkur á þetta hjónaband miðað
við hvernig til þess var stofnað - munu þau verða
hamingjusöm, eiga börn og buru og lifa langa og hamingjuríka
ævi?
2. Berið saman samband og samskipti þeirra Höskulds og Hrúts, annars vegar, og hins vegar Gunnars og Njáls. Hvor er eldri í þessum pörum? Hvor gefur ráð? Hvernig er tengslum þeirra háttað? (Spurt er um ættartengsl eða annað.)
3. Hvernig tengist Hallgerður langbrók aðalpersónum
í Laxdælu og Egils sögu? (Spurt er um fjölskyldutengsl.)
Hverjir mæltu eftirfarandi orð og af hvaða tilefni? (Ýmist er um að ræða fleyg orð úr Brennu-Njáls sögu eða mjög lýsandi fyrir viðkomandi persónu.)
a) „Ekki lætur Hallgerður verða ellidauða húskarla vora.“ Þetta sagði ___________________ þegar ____________________________
b) „Það áttu eftir er erfiðast er, en það er að deyja.“ Þetta sagði __________________ þegar ____________________________
c) „Gera mun ég kost á því ... ef
þú vilt vinna allt það er eg legg fyrir þig
og svo þó að eg vilji senda þig til mannráða.“
Þetta sagði _____________________ þegar ____________________________
d) „Tröll hafi þína vini.“ Þetta sagði _____________________ þegar ____________________________
e) „Era gapriplar góðir / gægur er þér í augum ...“ Þetta sagði _________________________ þegar ____________________________
f) „Því mun eg svara þér um þetta
er satt er. Þú ert maður vaskur og vel að þér
en hún er blandin mjög og vil eg þig í engu svíkja.“
Þetta sagði ____________________ þegar ____________________________