Ein mynd segir meira en þúsund orð og tvær myndir ættu því að vera á við tvö þúsund orða færslu … Litlu myndirnar krækja í aðrar flennistórar af rígmontnum höfundi!
Þetta prjódjekt er meir en 10+, mælt í lopapeysum! Að sjálfsögðu er gripurinn ekki ókeypis en skipaðir áskrifendur fá kostnaðaryfirlit og rukkun í tölvupósti. Svo reikna ég með því að þá áskrifandi er orðinn áttræður safni hann öllum sínum afkomendum saman og tilkynni hvaða uppáhaldserfingi fái Ættarsöguna miklu …
Ættarsagan smærri verður helmingi ódýrari en hún verður ekki í eins flottu broti og bandi og þessi stóra. (Markhópurinn hennar er sennilega með lægri tekjur en markhópur Ættarsögunnar miklu.)
Eiginlega ætti ég að halda námskeið í hvernig maður snuðrar á vef og hvernig hægt er setja saman flott ættarrit, í ýmsu formi.
Rögnu bók fer í póst á morgun – reynt verður að koma hinum til skila í vikulok – um ákv. ráðuneyti þar sem fólk hefur tíma til að taka á móti pökkum til dreifingar.
Eru bara myndir af Rögnu í bókinni? Ég sé nefnilega að á þessari opnu sem þú sýnir er klassíkerinn “Ragna á koppnum” og gott ef ekki líka “Ragna að borða fisk”.
Ég hlakka mikið til að fá mitt eintak.
Nei, Freyja, það er haugur af myndum af þér af því þú varst (ert?) svo sæt. Sennilega flestar af þér … eða kannski Einari.
Auðvitað sýni ég klassískustu myndirnar á montmyndunum 😉
BÍÐ SPENNT!
Þurfti endilega að setja mynd af mér á koppnum í bókina?
Ragna: Megnið af kennarastofu FVA hefur lýst því yfir hvað þú sért kjút á þessum myndum 😉 (Allavega einhverjir…)
Kannski er rétt að geta þess að í ÆM eru fjórar staðreyndavillur (til þess að gera saklausar). Nú skora ég á eigendur ÆM að finna þessar villur fyrir jól! Bannað er að spurja tengdafólk ættarinnar og svindla sér þannig áfram.
Ennfremur rétt að geta þess að ég leiðrétti villurnar í Ættarsögunni smærri svo sögufróðir ættingjar sem voru jafnvel uppi þá geta ekki hankað mig 🙂