Margur karlmaðurinn hefur þjáðst af kvenmannsleysi og látið sig hafa það. En líka eru til þeir menn sem nota fjármagn til að fullnægja þörfum sínum, eins og hann Höskuldur. Höskuldur hefur verið mikill kvennabósi og gat því eigi verið án kvenmanns lengi. Hann hafði verið lengi í útlöndum og fjarri konu sinni, henni Jórunni. Því sá hann sér þann kost vænstan að fjárfesta í ást. Hann fór því á götumarkað, í eitt tjaldið, keypti ambátt og fullnægði þörfinni gersamlega. Hún ól honum barnið sem nefnt var Ólafur pá.
Því fór hann ekki í Rauðastrætið?
Það ganga sögur um að Hómgöngu-Bersi frá Saurbæ sé barnaníðingur af verstu gerð. Ambátt Bersa segir að hann Halldór litli hafi sko alls ekki dottið úr vöggunni, heldur hafi Hólmgöngu-Bersi fleygt honum yfir þvert og endilangt herbergið, þegar Halldór fór að grát og láta illa! Fjölskyldur í nágrenni Saurbæjar eru farnar að óttast mjög um börn sín og sagt er að Bersi fari út á miðnætti og elti börnin í sveitinni...
Í Hjarðarholti hefur gerst meiriháttar atburður! Þræll einn á bænum átti barn með ambátt af sama stað, þótti það barn svo fallegt að það hálfa væri nóg. Ólafur og Þorgerður áttu um þetta leyti, á útmánuðum, barn er þótti líkjast Ingjaldsfíflinu. Nóttina eftir að börnin fæddust laumaðist Ólafur og skipti á börnum, þ.e.a.s. hann lét þrælinn fá sitt barn og tók hans. Kallaði Ólafur barnið Kjartan og óx hann upp og varð æðislegur! Enginn komst að þessu nema ég en Ólafur sagði mér þetta er ég hjúkraði honum í óráði...
Heyrst hefur að Stígandi hafi lifað af grýtinguna. Hann hafi orðið meðvitundarlaus en vaknað eftir 7 klukkustunda dá og farið og keypt sér skip og siglt til Noregs og byggt sér þar bæ; Farið síðan siglandi til Afríku og komið þar sem nú er Sahara eyðimörkin. Þar var allt í gróðri en Stígandi snéri jörðinnu við og er nú allt þar í sandi og verður um ókomna tíð. Stígandi varð svo undir fílahjörð er hann var á leið í skip sitt og var nær dauða en lífi eftir þá útreið. Stígandi náði að klöngrast að skipi sínu og þegar hann var kominn hálfa leið dó hann úti á sjó og skip hans lenti á skeri og brotnaði í spón. Lík Stíganda hefur ekki enn fundist en Hjálparsveit skáta á Hvolsvelli er enn að leita að líki hans ...
Óstaðfestar fregnir herma um náin samskipti Kjartans Ólafssonar og Bolla Þorleikssonar. Talið er víst að Kjartan og Bolli hafi átt vingott saman. Verja þeir öllum stundum saman og hefur Bolli hingað til alltaf leyft Kjartani að vera númer 1 í öllu, til að halda friðinn og ef til vill vera með sigurvegara...
Sá orðrómur hefur farið á kreik að Guðrún Ósvífursdóttir hafi verið ófrísk eftir fyrsta eiginmann sinn, Þorvald í Garpsdal. Sökum ástleysis í hjónabandinu gat hún ekki hugsað sér að halda barninu og því gaf hún okkar ástkæra fréttairtara, Illuga, barn sitt, sem á nú í mesta basli með krógann, því hann sker sig ekki úr ættinni hvað skap varðar. Þess má einnig geta að Guðrún var aðeins 15 ára að aldri þegar barnið fæddist.
Af því ganga sögusagnir að Guðrún Ósvífursdóttir, kona Bolla Þorleikssonar, sé honum ótrú. Sögur ganga einnig af því að Guðrún hafi sést á göngu að næturlagi með hávöxnum, ljóshærðum og mjög myndarlegum manni. Einnig hefur heyrst að hún fari út að næturlagi og komi ekki aftur fyrr en um sólarupprás. Og í eitt skiptið kom hún ekki heim í tvo daga. Er minnst er á þetta við Bolla þá verður hann eldrauður í framan. Bolli hefur verið að gefa Guðrúnu allskyns muni og láta allt eftir henni til að vekja áhuga hennar á honum. Bolli vill ekki viðurkenna að Guðrún hafi verið með lauslæti, hann segir hana trygga konu og segir að þetta séu aðeins SÖGUSAGNIR...
