Hafa landafundir haft eitthvert gildi
fyrir nútímamenn?
Skiptir það máli, að einhver
fann lönd í fjarska fyrir mörgum öldum?
Að
sjálfsögðu er gildi landafunda ótvírætt.
Til dæmis leiddu landafundir til fyrstu nánu tengslanna milli
fjarlægra landa og okkar Evrópubúa. Þess vegna
eru þeir áhrifamiklir fyrir samtímann og nútímann.
Með landafundunum höfum við öðlast miklu meiri víðsýni
og þekkingu á staðháttum og náttúruauðæfum
annarra þjóða. Þá opnuðust líka
nýjar dyr að verslun og viðskiptum, sem við búum
að í dag.Verslun og viðskipti stuðla beint og óbeint
að friðsamlegum samskiptum landa og ríkja í milli,
sem eru bein áhrif landafunda fortíðar. Enn þann
dag í dag skiptum við á vöru okkar við aðrar
þjóðir líkt og landnámsmenní
fortíðinni gerðu, t. d. við indíána.
Þá má heldur ekki gleyma því, að sjónarhorn
menningar jókst og ýmsir siðir urðu okkur nútímamönnum
kunnir.Með siglingum landnemanna var brautin rudd fyrir kynslóðir
sem á eftir hafa komið, til ferðalaga um allan heim. Þar
hefur komið að góðum notum vitneskjan um lönd og
álfur í fjarska. [Myndina tók Guðrún,
mamma Kristínar,
á víkingahátíð í Haukadal sumarið
2000, og er myndin birt með leyfi hennar. Sem sjá má
mætast þarna nútímamenn og víkingar ...]
Þó að í dag vanti okkur hluta
af þeirri spennu og ævintýraþrá sem einkenndi
landnámsmenn fortíðar, höfum við nútímamenn
ennþá í okkur ævintýraþrá
og vilja; Vilja til að koma á ókunnar slóðir
og kynnast menningu og lifnaðarháttum annarra þjóða,
gefa frá okkur örlítið af menningararfi okkar og
taka með okkur til baka af þeirra menningararfi.
En höfum við gengið til góðs götuna
fram um veg? Um það má svo alltaf deila, en kannski
stæðum við ekki í þeim sporum sem við
stöndum í dag, ef forfeður okkar, landnámsmennirnir,
hefðu ekki rutt brautina fyrir okkur, nútímamenn.
