Hér er einföld mynd þar sem sjást helstu viðburðir í sagnarituninni endalausu, þ.e. Gunnlaugs sögu Haraldssonar um Akranes, frá því Sögu Sögu Akraness (fyrsta bindi) lauk. Ég ákvað að æfa mig frekar í PictoChart en skrifa upp svívirðingar og yfirlýsingar sem tóku út yfir allan þjófabálk frá sumri 2011 fram yfir áramót 2012 og varða viðbrögð við útkomnum bindum I og II í Sögu Akraness en þó einkum viðbrögð við viðbrögðunum.
Athugið að allar textagreinar krækja í fréttir, viðtöl eða annað efni á Vefnum þar sem sjá má miklu viðameiri umfjöllun, nema sú sem segir af fyrstu greiðslu til sagnaritarans. Í næstu færslu verður fjallað ítarlega um samninginn, greiðslur/kostnað Akraneskaupstaðar árin 2012 og 2013, afraksturinn og algeran skort á eftirliti með verkinu.
Langaði að þakka fyrir skemmtilega lesningu. Búinn að sitja hálfa nóttina við greinalestur og varð margs vísari.
Sérstaklega er mér léttir í að stungið sé á DSM kýlinu. Hypokrates sagði að greining án sérstakrar meðferðar sem leiddi til bata væri óþörf. Ég held hún sé ekki bara óþörf heldur leiði fólk út í fen skottulækninga með læknisfræðilegum gæðastimpli.
Saga læknisfræðinnar er skemmtileg. Karen Johannisson professor í Uppsölum hefur skrifað nokkrar bækur um efnið ( ma hysteriu og nostalgiu) Mín tilfinning er að geðlæknisfræðin hafi farið út af sporinu um aldamótin 1900 en sé að ranka við sér aftur með nýrri tækni ef hún fær frið fyrir lyfjafyrirtækjunum.
Nú svo var gaman að fá að vita að sómi Íslands sverð þess og skjöldur hafi unnið fyrir sér sjálfur með bókaskrifum fyrir breskan auðmann. Þú ert lagin við að stinga á kýlunum, ganga gegn skoðanamyndunarflóðinu og lyfta fram staðreyndum. Eg er hrifinn.
Ég hef lesið eina bók eftir Karen Johannisson og bloggaði um hana í færslunni Melankólía gáfaðra karla og hvunndagsleg geðlægð kvenna