Bera Yngvarsdóttir

Faðir Beru hét Yngvar og var voldugur og auðugur höfðingi í Fjörðum (Firðafylki).  Bera var einbirni og því heppilegur kvenkostur því hún var einkaerfingi Yngvars.  Bera giftist Skalla-Grími þegar hann var 25 ára gamall.  Þremur árum síðar fylgdi Bera manni sínum til Íslands og settist að á Borg á Mýrum.  Fljótlega eftir það flutti Yngvar, pabbi hennar, einnig til Íslands og settist að á Álftanesi á Mýrum.

Þau Skalla-Grímur eignuðust mörg börn sem dóu eða voru andvana fædd.  Loks eignuðust þau son sem lifði;  það var Þórólfur sem fæddist árið 900.  Tvær dætur áttu þau Skalla-Grímur og loks kom örverpið Egill, fæddur árið 910 (en þá hefur Skalla-Grímur verið að nálgast fimmtugsaldurinn!)