Egill fer með Arinbirni, vini sínum, í víking árið 956, þá 46 ára gamall.  Þeir lögðu upp á þremur langskipum með „þrjú hundruð manna“, sem hugsanlega þýðir 360 manna her (3 x 120).   Um sumarið herjuðu þeir á Saxlandi og „fengu sér fé“ en þegar haustaði héldu þeir norður og réðust á Frísland.  Þar sló í harðan bardaga en víkingar höfðu mikið herfang af Fríslandi.  Urðu þeir fengsælir í þessari víkingaferð en svo skildu leiðir, Arinbjörn hélt til Danmerkur og Egill til Noregs.  Þeir vinirnir sáust aldrei framar.  (71. kafli)
 
 
 

Uppfært í apríl 2010
Harpa Hreinsdóttir