Leifur
og félagar sigldu í tvo daga áður en þeir
fundu þriðja landið. Þeir fóru í
land á eyju rétt við landið, sem þeir fundu.
Eyjan var grasi vaxin og dögg var á grasinu. Brögðuðu
þeir á dögginni og var hún sætari en allt
er þeir höfðu áður bragðað. Héldu
þeir síðan til skips síns og sigldu í átt
að landi. Þeir sigldu upp á eina og komu í
vatn og þar fóru þeir að landi. Þeir
byggðu sér hús við vatnið og voru þar um
veturinn. Í ánni og vatninu var fullt af stærðarinnar
laxi. Þeim fannst þetta vera góður landkostur
og þeir töldu að það þyrfti ekki að
fóðra fénaðinn á vetrum því þar
kom ekkert frost og grösin rýrnuðu ekkert. Leifur
skipti mönnunum í tvo hópa. Annar hópurinn
byggði skála en hinn kannaði landið.
Eitt
kvöldið þegar allir voru komnir uppgötvuðu þeir
að það vantaði einn mann. Það var vinnumaður
Eiríks rauða sem hafði alltaf verið mjög góður
við Leif. Leifur fór með hóp manna að leita
að honum. Þegar þeir voru búnir að leita
í smá stund kom maðurinn á móti þeim.
Hann sagðist hafa fundið vínvið. Daginn eftir fóru
þeir í könnunarleiðangur og fundu fullt af vínviði.
Eftir að þeir fundu allan vínviðinn nefndu þeir
landið Vínland.
[Myndina
af Tyrki suðurmanni teiknaði Berglind
Rós.]
Vínland er eitt af þremur nefndum löndum
sem Leifur og Þorvaldur Eiríkssynir könnuðu, ásamt
öðrum skipsmönnum, um árið 1000. Í
dag eru uppi tilgátur um að Vínland hafi náð
yfir allan skagann sem takmarkast af strönd meginlands Ameríku
frá Hudsonfljóti norður og austur um Nýja Skotland
og þaðan vestur að Lárensfljóti, í víðustu
merkingu. Þetta landflæmi hefur líklegast líkst
himnaríki fyrir landkönnuði sem komu frá útnárunum
Grænlandi og Íslandi.
Vantar kort!!
