Þorfinnur:
Nafnið kemur fyrir í Landnámu
og Íslendingasögum, einnig í Sturlungu og í
fornbréfum frá 14. öld. Í manntali 1703 báru
11 karlar nafnið. Nú bera 47 karlar nafnið Þorfinnur.
„Maður hét Þorfinnur karlsefni, sonur
Þórðar hesthöfða, er bjó í Reynisnesi
er nú er kallað.
Karlsefni var ættgóður maður og
auðigur að fé.“ (528, Íslendingasögur)
Eitt
sumar bjó hann skip sitt og sigldi til Grænlands. Hann kom
að Brattahlíð
á bæ Eiríks rauða. Eiríkur býður
Karlsefni og mönnum hans að vera hjá sér yfir veturinn.
Um vorið gengur Þorfinnur karlsefni að eiga Guðríði,
ekkju Þorsteins, eins sona Eiríks
rauða. (Ef til vil litu þau eitthvað svipað
út og þessi hjón sem prýða Víkingasafnið
í Ribe, Danmörku. Harpa tók myndina.)
Um vorið fer Karlsefni, ásamt konu sinni, með
mikið lið til þess að kanna Ameríku. Hann dvelst
þar í nokkur ár og hefur vöruskipti við skrælingja.
Á endanum verður bardagi milli liðs Karlsefnis og skrælingja.
Skrælingjar hafa betur í þessari viðureign og flýja
menn Karlsefnis til Grænlands. Á leiðinni töldu
þeir sig finna Einfætingaland þar sem byggi bara einfætt
fólk. Í þessari ferð Karlsefnis eignuðust þau
Karlsefni og Guðríður son sem hét Snorri. Hann er
fyrsti Evrópumaðurinn sem er fæddur í Ameríku.
Þorfinnur karlsefni og Guðríður fóru
síðan til Íslands og bjuggu í Reynisnesi. Frá
þeim eru komnir þrír biskupar á Íslandi,
þeir Þorlákur Runólfsson, Björn Gilsson
og Brandur Sæmundsson.
