Þórhallur var veiðimaður
Eiríks
á sumrin en bryti hans á veturna. Þórhallur
var mikill og sterkur maður. Hann var með svart hár og frekar
klunnalegur í vexti. Þórhallur sagði lítið
og blótaði mikið jafnan þegar hann var að tala
við Eirík. Þórhallur var heldur ekki kristinn.
Þórhallur fór eitt sinn með Þorfinni
karlsefni og Guðríði
konu hans og fleiri mönnum, og ætluðu þau að leita
Vínlands.
Þórhallur var sagður rata mikið um óbyggðir,
og því var mjög gott fyrir Þorfinn að hafa
hann með sér.
Svo var það einu sinni í ferðinni
að Þórhallur veiðimaður hvarf, leitað var
hans í þrjá daga og svo fannst hann á hamargnípu
einni. Þar lá hann og horfði upp í loftið með
gapandi munn og nösum og þuldi eitthvað. Þórhallur
fór svo heim með mönnunum en stuttu síðar kom
hvalur á land sem Þórhallur hafði þá
galdrað til þeirra. Mennirnir átu hvalkjötið
en fór það illa í þá.
Þegar þeir héldu áfram til Vínlands
þá vildi Þórhallur fara norður en Þorfinnur
suður fyrir landið. Níu manns fóru með Þórhalli
en restin með Þorfinni karlsefni.
Á leið Þórhalls og hans manna
norður kom á móti þeim vestanvindur og rak þá
upp á Írland. Og eftir því sem kaupmenn segja
þá var farið illa með þá og endaði
Þórhallur veiðimaður líf sitt þar.
